Gossip News | Rajagossip | Latest Gossip | ගොසිප් | rajagossip.lk – Raja Gossip

Gossip

ඇස් ඉන සාරිය හරි ලස්සනයි – ලොක්කොන්ට කිව්වොත් නාස්ති කරලා මරලා දානවා

colombo municipal council

කොළඹ නගර සභාවේ සේවය කරන කාන්තාවන්ට එහි ඉහළ නිලධාරීන්ගෙන් ලිංගික අඩත්තේට්ටම් සිදුවන බවට නාගරික මන්ත්‍රිනී ෂර්මිලා ගෝනවල මහත්මිය නගරාධිපතිනී රෝසි සේනානායක මහත්මියට ඊයේ(27දා) පැමිණිලි කළා.

රාජකාරි කටයුතුවල නිරතවන විවිධ අවස්ථාවලදී ලිංගික අඩත්තේට්ටම්වලට මුහුණ දී තිබෙන මෙම කාන්තාවන් මෙතෙක් කලක් මෙම කරුණ රහසක් සේ සඟවාගෙන තිබෙන බවද ඇය පෙන්වා දෙනවා.

“ඇස් දෙක ලස්සනයි,ඉඟ ලස්සනයි,සාරිය ලස්සනයි” කියමින් සේවිකාවන්ට උසුලුවිසුලු කරන ඉහළ නිලධාරීන් තොරතුරු හෙළිදරව් කළහොත් එම කාන්තාවන් අපයෝජනය කර මරා දමන බවට තර්ජනය කර ඇතැයිද මන්ත්‍රීවරිය පවසනවා.

මෙම සිද්ධිවලට මුහුණපෑ කාන්තාවන් ලබාදුන් ලිඛිත සාක්ෂි නගරාධිපතිනියට ලබාදුන් බවත්, බස්නාහිර පළාත් ආණ්ඩුකාර හේමකුමාර නානායක්කාර මහතාටද එහි පිටපත් ලබාදුන් බවත් ඇය පවසා සිටියා.

කොළඹ නගර සභාව තුළ කාන්තාවන්ට රැකියාව කරගෙන යෑමේ අපහසුවක් නිර්මාණය වී තිබෙන බැවින් නගරාධිපතිනිය මැදිහත්ව කමිටුවක් පත්කර පරීක්ෂණයක් පැවැත්විය යුතුබවත්, වැරදි කර ඇති නිලධාරීන් සම්බන්ධව දැඩි තීරණ ගෙන නීතිය ක්‍රියාත්මක කළ යුතු බවත් මන්ත්‍රීවරිය සඳහන් කළා.

මේ සම්බන්ධව අදහස් දැක්වූ රෝසි සේනානායක මහත්මිය සඳහන් කළේ, කරුණු සොයාබලා වැරදි කර ඇති නිලධාරීන්ට විරුද්ධව ක්‍රියාමාර්ග ගන්නා බවයි. ඉහළ නිලධාරීන්ගෙන් කාන්තාවන් ආරක්ෂා කර ගන්නා ලෙස මන්ත්‍රීවරුන් දැනුවත් කරන බවත්, මෙය වැදගත් කරුණක් සේ සලකා ඉදිරියේදී කටයුතු කරන බවත් නගරාධිපතිනිය පවසා සිටියා.

Click to comment

Leave a Reply

Your email address will not be published. Required fields are marked *

six + 15 =

To Top