Gossip News | Rajagossip | Latest Gossip | ගොසිප් | rajagossip.lk – Raja Gossip

Gossip

සංගක්කාර ඉන්දීය ආරාධනයකට බැහැ කියයි

ඉන්දීය ක්‍රිකට් පාලක මණ්ඩලය මඟින් වාර්ෂිකව සංවිධානය කරනු ලබන එම්.ඒ.කේ. පටාවුඩි දේශනය සඳහා කරන ලද ආරාධනය ශ්‍රී ලංකා හිටපු ටෙස්ට් ක්‍රිකට් නායක කුමාර සංගක්කාර විසින් ප්‍රතික්ෂේප කර ඇති බව ඉන්දීය මාධ්‍ය වාර්තා කරනවා.

ඒ අනුව ‘Sky Sport ‘ ආයතනයේ ක්‍රිකට් විස්තර විචාරකයකු වශයෙන් එංගලන්ත ඕස්ට්‍රේලියා එක්දින ක්‍රිකට් තරගාවලියේදී කටයුතු කිරීම සඳහා ගිවිසුම් අත්සන් කර තිබීම හේතුවෙන් ජුනි මස දෙවැනි සතියේදී පැවැත්වීමට නියමිත මෙම දේශනයට සහභාගී වීම කුමාර් සංගක්කාර විසින් ප්‍රතික්ෂේප කර තිබෙනවා.

කුමාර් සංගක්කාර එම ඉල්ලීම ප්‍රතික්ෂේප කිරීමෙන් අනතුරුව එම දේශනය පැවැත්වීම සඳහා එංගලන්තයේ හිටපු නායකයකු වන නසාර් හුසේන්, එංගලන්ත හිටපු ක්‍රීඩක කෙවින් පීටර්සන් සහ ඉන්දීය හිටපු නායක සව්රව් ගංගුලිගේ නම ද යෝජනා වී තිබුණද නසාර් හුසේන්ගේ ද සහභාගීත්වය අවිනිශ්චිත බව ඉන්දීය මාධ්‍ය වාර්තා කොට තිබුණා.

නමුත් මේ සම්බන්ධව දේශකයකු නම් කිරීම සම්භන්දයෙන් ඉන්දීය ක්‍රිකට් පාලක මණ්ඩලය තුළ මත දෙකක් පවතින බවටද එකී වාර්තාවන්හි සඳහන් වනවා.

කෙසේ වෙතත් මෙම දේශනයට “ක්‍රිකට් මඟින් සාමය සහ තිරසරභාවය” ඇතුළු ප්‍රධාන මාතෘකා තුනකින් එකක් තෝරා ගැනීමට නියමිත බවද පැවසෙනවා.

Click to comment

Leave a Reply

Your email address will not be published. Required fields are marked *

To Top